Nimin khan DC Conference Hall, Mamit-ah Pu Suvigya S Chandra, District Bawrhsap leh Chairman, Teacher’s Day Celebration Committee hoin Teacher’s Day 2026 hman dan tur rel a ni a, The Mizoram State School Drug Policy 2026(Draft) sawi ho a ni bawk.
Nimin thutkhawmah hian Teacher’s Day 2026 chu 5th September,2026 chu Inrinni a nih avangin 7th September, 2026 a lawm nise tia rel a ni a, school tinah zirtirtu hoa lawm tur niin primary school in an hmang ho ang. Committee chuan State Award chawimawina dawngtu Pu Lalrinmawia Pachau, Headmaster PM Shri Govt Kawrthah, P/S -1 chu lawmpuina citation pek nise tiin a rel.
He hunah hian The Mizoram State School Drug Policy 2026 (Draft) chu zir ho a ni a, committee chuan he policy in a duan angin school tinah Anti-Drug Committee din nise tiin a rel a, draft policy in member tur a duan bakah VC leh NGO aiawh pakhat tel bawk se tiin a rel.
0 Comments