Ni 18/8/2026 khan Assam atanga dan lova vawk puitling 45 (nos) Aizawla talh tura phurh chhoh tur chu Zamuangah man an ni.
Heng vawkte hi Assam lam atanga lo kalin lirthei panga hmangin rawn phurh luh a ni a, Zawlnuam vety check post helin an kal a, Zamuangah man a nih hnuah Mamit rawn pan pui an ni. Heng vawkte leh a phurhna lirthei te hi man niin , Criminal complaint hi District Bawrhsapin thehlutin, Vety doctorten an endika, African Swine Fever an kai tih hmuh chhuah a ni.
Ni 18/8/2026 tlai khan Court order angin kahhlum vek an ni a, Dr Saipari Sailo DVO Mamit kaihruaina hnuaiah hemi zan vek hian Vawk thlanmual (Mamit kawtchhuah) Mualpui hmunah phum an ni.
Dan bawhchhe chunga vawk rawn phur lut tute hi :- Lalnunsanga Kanhmun, Mechael Santinrai Kanhmun, Thlamuankima Kanhmun Jamesa Kanhmun leh Lalrindika Rengdilte an ni a, thubuai siam sak niin District courtah ni 8.9.2026 inlan leh tur a chhuah an ni.
0 Comments