Ni 18/8/2026 khan Godrej Agrovet Limited, Oil Palm Business hotulian panga (5)ten Mamit District an tlawh.
Godrej hotute Pu Sougata Niyogi CEO, Pu Hari Malaysian Oil Palm, Pu Kamlesh Fondekar Research Head, Pu Santosh Swamy R&D leh Pu Debajyoti Senior Manager te chuan Zawlnuam hmuna Oil Palm chinthar mek leh hralh mek dan te en in Mizorama a tangin Godrej hotu Senior Executive Officer Pu Lalruatkima Ralte leh Sr.Development Officer Lalrinchhana ten an lo dawngsawng ve bawk.
He hunah hian Mamit District Oil Palm Growers Society hotute leh Oil Palm farmers engemaw zahin an lo tawiawm a. Nasa leh liantham zawk a Oil Palm Mizoram a chin a nihtheihna Program kal zel Mega Plantation Drive Programme - ah Oil Palm phunna hun te neih a ni a. He hunah hian Pu Sougata Niyogi, CEO chuan thusawiin, Mizoramah ei leh bar zawn kawngah farmers ten harsatna tam tak an tawk thin a. Oil Palm ngei pawh a hma chuan rate a chhe em em a, tunah erawh Sawrkarin rate tha tak siamsak tawhin chumi hnuaiah chuan hlawk takin an thar mek tan a. Tin, a seedlings hi khawvel a tha ber Malaysia lam atanga lakluh a ni a, tharhlawk hle tur a ngaih a ni a ti.
Mizoram State Thenawm lawk Tripura leh Assam ah te reilo teah a herna khawl dang bun an tum thu leh tuna Mizorama a herna khawl awm mek chu Kolasib bik farmers te chawm se, Mamit tharchhuah thenkhat chu kawngah harsatna a lo awm palh pawn thenawm state a kan khawl dangah kan thawn zung zung thei tawh dawn a ni a ti bawk.
Farmers te a rate tha bawk si, hlawk bawk si, sawrkar in a phurpui leh a puihna tam bawk si he Oil Palm hi nasa lehzual zawka ching turin District mipuite a sawm a ni.
Mamit farmers hruaitute ngenna thlen te pawh tihhlawhtlin nghal a nih tur thu a sawi a. Chung zingah chuan farmers te mamawh lamkhawmna tur leh Weighbridge kengtel tur collection centre Bawngva a siam mek, One Stop Solution, Samadhan chu chak lehzual a zawh vat a ni ang a ti a,Tin, hetiang chiah hi Kolasib lamah a awm tawh bawk a, Zawlnuamah hian nakum lamah pakhat dahbelh a nih tur thu a sawi bawk.
He Samadhan hian farmers te mamawh leitha, thlaihlo, tui pekna leh thil dang dang man tlawm zawkin a chhawphnaih sak zel an ni ang tih thu a sawi.
Godrej Agrovet Ltd hian Oilpalm Farmer te tharchhuah Oilpalm hi kum 2025-2026 chhung khan 2600 Metric ton an lei sak a pawisain cheng 10,23,00,000 a ni a,tun Kum 2026-2027 hian hei aia tam leisak an beisei a ni.
0 Comments