Mizoram Journalists’ Association, Mamit District meberte chuan Mamit leh Bairabi inkar kawng dinhmun leh Short Term Maiatainance Contract hanga hnathawh mek a nih dan kar kalta Zirtawpni khan an en.
Bairabi to Mamit kawngpui chhe zual lai thawm that hna hi short term maintenance hnuaiah Nidhi Creative infrastucture Pvt Ltd ten an thawk mek a, he hnathawhna tur hian cheng nuai 388.93 ruahman niin an hna thawh chin hi 29% vel a ni tawh tih SDO MPWD NH Division I Pu PC Zohmingsanga chuan a sawiin sum hman tawh hi cheng nuai za a chuang tawh thung.
STMC atanga he kawng siam hna thawh mekah hian a khuar chhe zual lai hnawh, tui luankawr tihfai leh a tul dangte a tel a ni.
MJA Mamit District memberte chuan he kawng diak kawi nasa zual laite chu kawng zawl lai, tui luan chhuahna awm lo lai a nih deuh vek avangin tui tling thei lo tura a luan chhuahna siam thuai thuai a tul nia an hriat thu an sawi a, hei hi hnathawktute leh hna enkawltu MPWD lam chuan an ngaihpawimawh tur thu an sawi.
Tun dinhmunah hmanraw mamawh lakkhawm kawngah harsatna an neih rih loh thu sawiin theih anga chaka hnatawh an tum thu hnathawktute leh hnathawk enkawltute chuan an sawi.
NH 44A/108 kawngpui short trem maintenance hmanga hnathawh mek pawh ni 20.12.2025 atanga tan niin Ni 19.12.2026 thleng hnathawh hun chhung pek an ni a, hemi atan hian cheng nuai 283.18 ruahman niin hna 74% an thawk tawh a. short trem maintenance ah tho ni 20.12.2025- 19.12.2026 chhunga an thawhna tur sum cheng nuai 349.71 ah 80% an thawk zo tawh bawk a ni.
Heng NH te hi Mamit district chak lakna pawimawh an nih avangin a tha thei ang bera siam tur leh furpuia district in harsatna an tawhloh nan hmala turin MJA chuan thawktute chu an ngen a ni.
0 Comments