Mamit khawpui chhunga cheng mipui Bawlhhlawh lakkhawmna motor chhe tawh thawm that leh motor indaih lo tihziawmna turin sawrkar chuan motor hlui chei that a phalsak bakah motor thar (Pickup) pek an nih thu Pu Lalthuama, DUDO Mamit chuan a sawi a, Bawlhhlawh paihna tur motor te an nei ta chuan bawlhhlawh lakkhawm kawngah nasa takin awlsamna a thlen tih sawiin motor lian kal/luh theih lohna hmun tam takah lutin bawlhhlawh a lakhawm thei tawh a, hei hian faina kawnga hmalakna ah hmasawnna a thlen thu sawiin sawrkar leh UD&PA thuneitute chungah lawmthu an sawi.
Mamit Times zawhna chhangin Pu Lalthuama DUDO chuan Mamit khawpui chhunga bawlhhlawh paih man In tina Rs 50 an khawn thin chu an hmu tha lo hle tih a sawi. Heng pawisa an khawn hi DUDO ah Rs 40 chhungin a khawntu ten Rs 10 an hlawh a, pawisa tlingkhawm hi bawlhhlawh paih motor enkawlna atana hman a nih thu leh an indaih loh hle thu a sawi bawk. UD&PA motor hmanga bawlhhlawh paih thin ten bawlhhlawh paih man an khawn thin chu ngaipawimawh a, tha taka pe hram hram tura an duh thu a sawi.
0 Comments