Nimin khan World Tuberculosis Day 2026 chú Chhim Veng YMA Hall, Mamit-ah Pi Carolyn LB Khiangte, Addl DC Mamit chuan Khual lian niin a hmanpui a, “100 days campaign” TB umbo kawnga hmalakna a hawng nghal bawk. Tun kuma thupui “Yes!We can end TB; led by Bharat, powered by Janbhagidari” - “TB kan hneh thei, ram kaihhruainaa mipuite chakna rinchhanin” tih hmanga hun hman a ni.
Pi Carolyn LB Khiangte chuan he huna lo kalte chu midang tana zirtirtu tha zawk TB awmlohna ram kan nih theihna atana sulsutu ni theuh turin a chah a, TB awm tawh lohna khaw 19 chu a lawmpui thu sawiin nakumah chuan gold la thei ngei tura tan la turin a fuih. 100 days campaign kalpui a ni thei tur chu lawmawm a tih thu sawiin TB do kawnga health worker ten hmanraw tha zawk nên búl an tan dawn a, tha tak leh uluk taka kalpui turin a chah a, VC, NGO leh line department tê pawh he natna do kawngah thawhhona tha neih a tul a ti a, TB awm tawh lohna district nih ngei tuma ke kan pen a tul a ni a ti.
He hunah hian Dr Thanmawii, District TB Officer leh Deputy CMO chuan TB do kawnga hmalak tawhna report a pe a, Pu Hmingchungnunga, DPS (NTEP) chuan TB Mitra chúngchang awareness campaign neiin TB Mitra (Donor) Citation semna hun hman a ni bawk.
Khuallian hian TB Free village khaw 19 hnenah chawimawina a hlan a, silver hi khaw 12 in dawngin bronze hi khaw 7 in an dawng a ni.
0 Comments