Environment, Forest & Climate Change Department, Kawrthah leh VC Kawrtethawvengte tangkawp chuan Air Rifle Shooting Competition a buatsaih a, Hachhek Constituency huamchhung a mite tana buatsaih niin, competition slogan atan 'Shoot with a Camera, Not a Gun' tih leh 'Aim for peace not the beasts' tih hman a ni. He hun buatsaih chhan hi silai neituten an silai te nungcha tihhlumna atana hmang lova intihhlimna leh competition lian zawk hmachhawn thei tura an inbuatsaih nan a ni.
He hun hi Kawrtethawveng Tennis Court a neih niin competition hi category 2 ah then a ni a, Air Rifle (with scope) leh Air Rifle (without scope) ah te then a ni. Category 1 Air Rifle (with scope) ah hian participants 32 an awm a. Category II Air Rifle (without scope) ah hian participants 33 an awm a ni. Category I & II ah hian lawmman 1-3 thleng leh consolation prize mi 5 te tan lawmman siam a ni bawk.
He hunah hian Pu Karthikeyan V, IFS DFO chuan silai neitute chu nungcha kah nana hmang lova, Ram/Khua ti hmingtha zawnga an thiamnate hmang turin a fuih a. Tin, Kawrtethaw-veng VC te nen Dillui humhalhna kawngah nasa zawka thawhho an tum thu a sawi. Luidung nungchate tura hrai lo tur te. generator leh dynamo hmanga manlo turte in a chah a. Dan bawhchhia an awm anih chuan dan hmanga hrem an nih tur thu a sawi
0 Comments