Nimin khan DC Conference Hall, Mamit-ah Pi Carolyn L.B Khiangte, Addl. DC hovin Indian Army ( Agniveer) lak runpui neih tur chungchang sawiho a ni a, Army Recruiting office-a thawk te lo kalin lakdan tur leh a kimchang sawi zauna an nei.
Thutkhawmah hian Indian Army (Agniveer) lak runpui kal pui turah Mamit District chhunga thalai kum 17 leh a chanve atanga kum 22 inkar, thiamna ngai bitukin a huam te'n an dil ngei theih nan zau zawka puanzar dan tur te sawiho a ni.
Indian Army lak runpui kalpuina turah hian 13th February to 1st April, 2026 chhungin online hmanga dil duhte tan www.joinindiaarmy.nic.in/ ah te dilna thehluh theih a ni a, he hna dil duh zawhfiah leh hrechiang duhte tan hian Planning Branch,DC Office Mamit-ah office hun chhunga zawhfiah theih a ni bawk a ni.
0 Comments