Nimin khan Mamit Central Block Congress Committee te leh Mamit Central Youth Block Congress Committee ten Mamit District Khawpui luhna kawngpui chhe lutuk an tlawh a, Sawrkar laiin Mamit District a ngaihthah hle nia an hriat thu an sawi.
“Mamit District kal pawhna kawng tha engmah awm lo hi pawi an tiin lungchhiat tlak an ti a, Mizoram Sorkar in Mamit District min ngaihsak loh zia chiang takin a ti lang a ni” tiin thuchhuah an siam.
An thu chhuahah chuan inkal pawhna kawng a chhiat em avangin Mamit Petrol Pump ah Petrol leh Diesel thla khat dawn a awm tawh lo a, Lirthei hmang a ei zawngte leh sumdawng ten harsatna nasa tak an tawh avangin Mipui ten kan tuar nasa hle a ni .
Heng mai bakah hian Damlohna avanga hmun-pui pan ngai te leh kan thlai thar chi hrang hrang leh oil palm te kawng chhiat avang in an hralh thei lo a, Buhfai phur Motor kawng chhiat avanga rawn tlan tum tawh lo te leh kan District mipuite Chaw nghei mai thei dinhmun a kan ding ta mai hi vanduai thlak kan tiin ENCHHIN SORKAR hian Mamit District mipuite hi min hlamchhiah zia chiang takin a ti lang a ni an ti.
Mamit District mipuite ten hetiang khawp a harsatna kan tawh lai pawh a Bialtu MLA Pu H Lalzirliana ngawi tlat leh Sorkar lai ZPM ten tun thlenga thuchhuah engmah an la nei lo hi khawthlang mipuite hmuhsitna ah kan ngai an ti bawk.
Mamit Central Block Congress Committee leh Mamit Central youth Block Congress Committee te chuan a rang thei ang bera khawthlang kal pawhna kawng hrang hrangte hi hma min laksak nghal turin kan ngen a ni. Hmalakna hi a awm lo anih chuan a tawp thleng a hmalak kan tum a ni tiin an thuchhuah ah chuan a tarlang.
0 Comments