National Highway 44A/108 chhe lutuk vanga mipui harsatna thleng sutkian a nih theihna tura tlawmngai pawl leh lirthei hmanga eizawngtute hmalakna chuan mipui thlawp a hlawh tha hle a, lirthei veivak, dan ngai leh tangkhang an awm mumal lo.
He hmalakna avang hian kawngpui chhe lai thawm that hna pawh theih ang anga thawh nghal a ni. Nimin khan Lengpui lam atangin Lung (Boulder) trip 15 leh WBM trip 7 Dapchhuah leh Dampui inkarah dah a ni a, vawiin lamah Lung trip 10 leh WBM trip 10 dah leh theih beisei a ni.
Tun dinhmun, Ni 17/10/2025 zing lam thleng hian Dapchhuah leh Darlak inkarah hnathawk turin khawl - JCB 2 a awm a, vawiinah pahnih a thlen belh beisei a ni. Excavator 2, Tipper 3 leh Roller 1 a awm. Darlak leh Tuidam inkarah JCB 2, Excavator 2, Rock Brteaker 1, Tipper 3 a awm a, Dapchhuah leh Dialdawk inkarah JCB 2 leh Roller 1 a awm bawk.
Kawng chhe thawmna tura hmanraw pawimawh Lung (boulder) leh WBM hman tur duh ang a thlen theiha, ruahtui a tlak chhunzawm loh chuan hnathawh pawh a sawt viau tura ngaih a nih thu Pu Lalnunhlua SDO NH Division I chuan Mamit Times a hrilh.
0 Comments