MNF Hachhek West Block chuan thuchhuah siamin Zawlnuam PHC ah Doctor dah thuai turin sawrkar an phut tih an sawi.
An thuchhuahah chuan Zawlnuam PHC-ah hian hun rei tak Doctor kan nei tawh lova, Zawlnuam leh a chheh vel khua Langkaih ruam a cheng ten harsatna kan tawk mek a. Tunlai in damlohna a tam em em a, Hospital dang pan turin in kalpawhna kawng a tha lovin hmun dang pan a harsa em em a ni. He tih laia Zawlnuam PHC-a Doctor awmlo hi khawthlang mipui te hian kan tuar em em a, damloh mangana Langkaih ruam mipuiin kan pan ber Zawlnuam PHC-a hun rei tak Doctor awm lo chu ZPM sawrkar chak loh vangah kan ngaia, mipuite harsatna hi ngaipawi-mawha Zawlnuam PHC-a Doctor dah thuai turin MNF Hachhek West Block chuan Sawrkar a phut tlat a ni tiin an tarlang.
0 Comments