Nimin khan DDMA Mamit chu DC Conference Hall, Mamit-ah tunhnai ruahsur avanga district a chhiatna hrang hrang thleng leh harsatna dangte sawiho turin an thukhawm a, he hun hi Pu K Laltlawmlova, District Bawrhsap leh Chairman DDMA ni bawk chuan a kaihruai.
Bawrhsap chuan tunhnai ruahsur nasat avanga district chhung a chhiatna hrang hrang thleng chu pawi a tih thu sawiin mipuiten harsatna an tawh chhunzawm loh nan DDMA chuan theihtawp a hmalakna tum tih a sawi a. Line department te nen a thawh ho that a ngai a,an ni pawn an harsatna te sawi hreh lo turin a chah a ni.
He thutkhawmnah hian line department atangin report tawi ngaihthlak niin buhfai, Eirawngbawlna gas leh petrol lamah harsatna a awm lo a, Sawrkar thu-chhuah ang a petrol pawh phal chin zat la turin mipuite ngen an nih thu tarlan a ni bawk.
Mamit leh a chheh velah tun hnai ruah sur nasa vanga chhiatna thlengah, a tul anga hman turin VC te hnenah silpoulin bundle hnih zel pek chhuah a ni bawk.
NH 108 Mamit leh Dapchhuah kawng ping thenfaina turin DDMA (District Disaster management Authority) atangin sum awm thei ang anga tanpui nise an ti bawk.
NH 108 Mamit leh Rawpuichhip inkar kawng ala tlang loh avangin Dialdawk leh Dapchhuah inakarah excavator pakhat leh JCB pakhat ten hnathawk mekin Dapchhuah to Mamit inkarah excavator pahnih leh JCB pathum in hna an thawk mek a, kawng block hi hmun 5 ah ala awm a vawiin tlai lam hian a tlang hman beisei a ni.
0 Comments