Mizoram chhunga District Jail pasarih thawm that hna thawh mek a ni a, heng zingah hian Mamit District Jail, Hmunhlui tlang ami pawh a tel.
SASCI sum hmangin Mizoram chhunga District Jail pasarih thawm that hna thawh mek niin heng zingah hian Mamit District Jail, Hmunhlui tlang ami pawh a tel a, Mamit District Jail thawm thatna tur hian Rs 4,53,36,800/- ruahman a ni a, he hna thawktu hi Pu H. Zorempuia a ni.
Mamit District Jail thawm that hna thawh hi bul tan chhoh mek a ni a, tun dinhmunah Jial building hnung lamah Jail hunga tihzauhna turin lei laih hna thawh mek a ni a, Jail tlawhtute inthiarna tur sak hna bul tan chhoh mek niin Staff Quarter sak belh tur bul tan a ni tawh bawk.
Mamit District Jail thawm that hna thawh turah hian hna peng hrang hrang awmin heng atan hian sum ruahman fel tak a awm a, chungte chu :
1. Mipa awmna chunglama zawm belhna tur (Vertical Extension of Male Ward) Rs 65,65,600/-
2. Thawktute chenna pahnih sak belh tur (Construction of Staff quarter 2 units) Rs 1,30,38600/-
3. Jail hungna bang siam hna (Construction of Security Main wall) Rs 1,46,64,600/-
4. Jail hungna bang hman mek tihsanna tur (Construction of existing Security main wall) Rs 29,97,900/-
5. Tang vengtu awmna tur pali siam (Construction of Security Duty Post 4 Nos) Rs 8,83,675/-
6. Jail tlawhtute inthiarna tur siam (Construction of Visitor’s Toilet 1 ) Rs 13,72,100/-
7. Jail ram chhunga inkawlpawhna thawm that hna (Improvement of Internal Approach road 65.00m length & 4.50m wide) rs 14,14,200/-
8. Ruahtui chhek khawlna tur siam hna (Construction of rain water harvesting tank 1lakh litre capacity) Rs 17,49,100/-
Mamit District Jail thawm that hna thawh mek hi MPWD Project Division II hnuaiah Mamit Project Sub-Division in an enkawl a ni.
0 Comments