Nimin Ni 16/7/2025 chawhma lam thleng khan Mamit District Jailah tang mipa 65 leh Hmeichhia 7 an vaiin mi 72 an awm.
Heng zingah hian thubuai ngaihtuah lai mek mipa 46 leh Hmeichhia 6 an awm a, Thubuai chinfel tawh, Courtin hremna a pek tawh mipa 19 leh Hmeichhia pakhat an awm mek a ni.
Mizoram chhunga Jail dang ang bawkin Mamit District Jailah hian thawktu an indaih lo hle a, Kum 2016 a hawn a nih atanga thawktu awm tura ruahman zat (Sanctioned strength) 35 a nih laiin tun dihmunah thawktu mi 24 an awm a, thawktu awm tura ngaih heng Asst. Jailer, UDC leh Peon awm lo avang hian thawktuten harsatna an tawk thin tih Mamit Times thudawnna chuan a sawi.
Tang vengtu (Home Guard) hi 24 awm tura tih a nih laiin tun dinhmunah 12 an awm mek a,tang vengtute hi an rim hle nia hriat a ni.
Hetihlai hian Mamit District Jaila thawktu awm ang angte hian an mawhphurhna leh an pawimawhna hriain theih tawp an chhuah a, thawktute inpekna leh thahnemngaihna avanga harsatna awm thei tam tak pumpelh thin an nih thu Mamit Times thudawnna chuan a sawi bawk.
0 Comments