Vawiin thlenga chhinchhiah danin Mamit District chhung khaw hrang hrang 19 ah Myanmar atanga raltlan mi 308 leh Manipur atanaga raltlan mi 107 an awm mek a, raltlan zat hi an tlahniam ve zel nia hriat a ni.
Disaster Management & rehabilitation Centre, DC Office Mamitin a chhinchhiah danin vawiin thleng hian Mamit District chhunga khaw 19 ah Myanmar atanga raltlan mi 308 an awm mek a, heng zingah hian mipa puilting 101 leh Hmeichhia puitling 79 an awm a, kum 18 hnuai lam mipa leh Hmeichhia an vaiin 128 an ni.
Myanmar atanga rawn lutte awmna tur (Refugee camp) hmun hnih - Dapchhuah leh Nghalchawmah siam a ni a, heng campah hian mi 151 an awm a, Camp ni lo, khaw danga awm mi 157 an ni.
Mamit District chhung khaw 12ah Manipur atanga raltlan mi 107 an awm mek nia chhinchhiah a ni a, Mipa puitling 46, Hmeichhia puitling 41 leh naupang kum 18 hnuai lam mipa leh hmeichhia 20 an ni. Manipur atanga raltlan awmna tur hian camp siam a ni lo a, hmun hrang hrangah an awm darh a, an awm tam deuhna khua leh veng hengte hi a ni :
1. Mamit Bazar veng-17
2. Hmunpui - 14
3. W. Phaileng-13
4. Reiek - 11
5. Dapchhuah-10
Tun dinhmunah Mamit District chhungah Bangladesh atanga raltlan lo lut chhinchhiah an awm lo.
Mamit District chhunga raltlan awmte tanpuina tur hian DM&R kaltlangin nikum kum tawp lam leh kumin kumtir lam khan buhfai pek an ni tawh a, Nghalchawm camp sak thatna tur thingzai leh rangva pek an nihbakah tuizem 1000ltrs dawng 14 pek an ni tawh bawk.
0 Comments