Mamit khawpui chhungah hun engemaw chen pangngai taka kawlphetha lakluh theih a nih loh hnuin Inrinni zan atang khan Kawlphertha hi mumal zawka hmuh a ni tawh a, heithlai hian Mizoveng Transformer in a chawm chin te hnenah erawh nimin Pathianni chawhnu lam atang khan mumal zawka eng pek chhuah theih a ni thung.
Mizoveng Transformer chungchangah sawi neuh neuh, titi leng vak a tam a, hemi chungchanga Mamit Times zawhna chhangin Pu Jacob Lalrinfela EE P&E Mamit Division chuan Mizovenga transformer chu tun dinhmunah thlak ngai a la nih loh thu leh a chawm tur ang pawh harsatna awm loa chawm zo tur a la nih thu a sawi a, tun dinhmunah a load lak hi transformer chakna atanga za zela 70 chauh a la ni a, he transformer thlak tura ruahmanna a la awm loh thu a sawi.
Mizoveng Transformer chhia anga a lan fona chhan hi a transformer hrim hrim chhiat vang niloin, a part dang engemaw fello, hmuh chhuah mai loh vang a nih thin thu thawktute hnen atanga thudawnna chuan a sawi bawk.
Hetihlai hian, hun engemaw chen W. Phaileng lam atangin eng lakluh theih a ni tawh lo a, hun hmasa lama eng lakluhna 33kv line chuan tun dinhmunah ngaihsak a hlawh meuh tawh loa, 132kv line zawh fel a la nih bawk si loh avangin W, Phaileng lam nena eng inepk tawn kawngah harsatna awm nia hriat a ni.
0 Comments