PWD changtu Minister Pu Vanlalhlana chuan National Highway 44A/108, Darlak leh Tuidam inkar chu Mizoram chhunga kawng chhe ber nia a hriat thu a sawi.
Pu Vanlalhlana Minister i/c PWD etc hian Ni 18/7/2025 khan National Highway No 44A/108 hi a hmunah kalin a tlawh a, kawngpui chhe lutuk avanga harsatna thlen mekte sutkian a nih theih dan tur ngaihtuah a nih thu a sawi.
Ni 18/7/2025 (Ningani) zan dar 9:30 khan Mamita thuthar thehdarhtu thenkhat ten a thlenna Tourist Logde Mamitah Minister hi an kawm a, sawrkarin hmalak a tum dan hrang hrangte sawiho a ni.
Pu Vanlalhlana PWD Minister chuan thurhar thehdarhtute zawhna chhangin National Highway 44A/108, Darlak leh Tuidam inkar chu Mizoram chhunga kawngpui zingah a chhe ber nia a hriat thu a sawi.
National Highway 44A/108 thawh zawh tak loh chhunzawmna tur hian Ministry atanga cheng Vaibelchhe 168 hmuh beisei a nih thu a sawi a, hei bakah hian kawng hlui thawm thatna tur sum cheng Vaivelchhe 51 pawh sanction nghah mek a nih thu a sawi bawk.
Tun dinhmunah Darlak leh Tuidam inkar kawng chhe zual thawm rih phawt tura tih niin National Highway laih tlang tawh, la zawh/kal theih loh (Tuidam Diversion) pawh lirthei kal theiha siam tlang tura hmalak nghal a nih tur thu a sawi.
Mamita Thuthar thehdarhtute zawhna chhangin National Highway No 6, Bairabi- Mamit kawng pui chhe lutuk thawm hna, Short Term Maintainance Contract hmanga NIDHI Creative Infrastucture Pvt. Ltd hminga MPWD Natioal Highway Division ten an thawh chu kumin Marh thla khan hnathawh hun chhung a tawp tawh thu leh sum ruahman cheng nuai 433 pawh hmuh vek a nih tawh thu Minister tawiawmtu Er. Robin Lalrinawma, CE Highway MPWD chuan a sawi a, tun dinhmunah a ba a kawng thawm hna thawh chhunzawm a nih thu a sawi bawk.
0 Comments