Mamita thuthar thehdarhtu thenkhat ten Ni 18/7/2025 zan khan Mamit Tourist Lodge ah PWD changtu Minister hmuin Mamit District chhunga MPWD (NH) ten an enkawl kawngpui dinhmun hrang hrang an sawipui a, awlsam leh tha zawka hnathawh a nih theihna tura tul leh tha nia an hriatte thuthar thehdarhtute hian Minister hnenah an thlen.
Thuthar thehdarhtute chuan National Highway enkawl kawnga mawhphurhna neitute luah tura tih PWD Office bula site Office an sak, building ruak ringawta awm chu luah a nih theihna tura hmalak tul nia an hriat thu an sawi a, hei hi lo enzui a nih tur thu Minister chuan a sawi.
National Highway No 6 (Spur) Bairabi - Mamit enkawl danah Division I leh Division III ten chan insema an inekawl tawm chuan harsatna a thlen thei nia an hriat thu thuthar thehdarhtute chuan an sawi a, he kawng enkawl kawnga mawhphurhna hi a tluan (Bairabi thleng)a PWD Highway Division I kuta dah a tul nia an hriat thu an sawi bawk. Hei pawh hi thil tul leh pawimawh tak a nih vanga lo enzui leh theih ang anga hmalakna kalpui a nih tur thu Minister chuan a sawi a ni.
0 Comments