Ministry of RD chuan Mizoram chhunga MGNREGS kalpui dan dik tawk lo te avangin tunah hian nasa takin Programme Office lam a nawr mek a, mipui te ni 100 inhlawhna kalpui zel tur chuan heng a hnuaia mite hi loh theih loha zawm a tul dawn tih sawiin a hnuai ami ang hian Addl. Programme Officer, MGNREGA chuan hriattirna a tichhuak.
1. MGNREGS hnuaia hnathawh phal chin (Permissible work) hi a zau lova, VEC ten chumi pawnlam ami hna thawh kan duh thin si avangin, thla tin a kan thawh tur atan Permissible work ami hna kan thlang a, a tak tak ah hna dang daih, scheme in a phal chin pawnlam kan thawk fo thin. Thla tin a hna hnathawh tur ah Permissible work chauh kan thlan piahlamah, kan hna thlan ngei kha kan thawh a ngai tawh dawn a, thawh tur tak hlamchhiah a hna dang thawh daih hi a rem tawh lo a ni.
2. JC neitute hna thawh tir lova contribution kalpui hi dan phal loh a ni na a, kalpui thin kan awm tih kan hre vek awm e. Hetianga contribution kalpui thin ten, contribution tlingkhawm te chu mipui inhlawhna tura kan hna thlan atan an hmang ngei ngei tur ani. Chutiang nilo, thildang khaw chhung cheina, kawngpui siamthatna,etc. atan a hman a remchang lo. Contribution luh dan leh hman dan hi Office lam atanga endik theih a vawn tur a ni.
3. MGNREGS hi Ministry of RD lam in an duh khirh lem loh thin avangin zelthel ang reng taka kalpui mai thin ani tih kan hre theuh awm e, document lam kan vawn that a, Village level (JC holder level) ah hna te a hminga thawh ve tho anih chuan tha tawk ah ngaih mai thin ani. Tun ah chuan hetiang a MGNREGS mipui inhlawhna kalpui hi a remchang tawh lo. VEC tin ten thla tin a hnathawh tur an thlan zawng zawng te a hmun a en tlak, thil tangkai leh awmze nei tham, measurement lak dâwl zo anih vek a ngai tawh dawn a ni.
4. Wage component hna zawng zawng ah CIB siamna tur pawisa dah tel zel tawh ani dawn a, hei mai bakah Wage component hna ah material mamawh anih chuan sum in pek theih ani bawk ang. Enrtirnan, mipui work ah tuikhuah anih chuan cannal siamna in pek tum ani, chutiang zelin.
5. MGNREGS mipui inhlawhna ah hian, VEC ten an vawn tur Document engemawzat a awm a, heng hi VLAA ten an buaipui thin ani. Chung document zingah chuan VLAA ten an vawn remchang lo Gram Sabha minute bu hi taima taka ziak thin turin kan in beisei bawk e.
VEC zawng zawng ten khing kan han tarlan khi kan zawm ngei ngei a ngai tawh tih kan han in hriattir e. Harsatna leh thil buaithlak a awm nual dawn a, amaherawhchu mipuite inhlawhna a kal zel theihna atan harsatna chinfel dan kan zawn zel a tul dawn a ni.
0 Comments