Phaizau khua ami Pu R. Noliansanga (56) Pathianni zan atanga chin hriat loha bo chu khawtlangin an zawn hnuin nimin chhun dar 11 vel khan dam taka hmuh a ni.
Panoa hi Pathianni zan dar 8 vel atang khan a chin hriat lohin a awm a, Thawhtanni ah Phaizau Branch YMA hruaitute leh chhungkua in an ngaihven a, hmuh mai a nih loh avangin nimin Thawhlehni khan khawtlang huapa zawn hna thawh a ni. Panoa hi nimin chhun dar 11 vel kha Luitedam ram, Phaizau khua atanga Tut hnar lam hla loteah dam taka hmuh a ni.
Phaizau atanga Mamit Times thudawnna in a sawi danin Panoa hi vawiin hian Mamit District Hospital panpui tum a ni a, Mamit leh Phaizau inkalpawhna kawng a chhiat avangin lirthei hmanga kal theih a ni dawn lo a, thalai tlawmngai ten an zawn ang.
Phaizau hi Mamit atanga 7Km vela hla, Tut lui kama awm a ni.
0 Comments