National Highway 44A ni thin, Mamit khaw chhung kaltlanga kawng awmsa laih zauh leh siamthatna tura hmalakna kalpui mek a nih laiin he hna hi eng tika thawh tan theih tur nge a nih (?) erawh hriat theih a la ni lo.
He kawng, NH 44A Luangpawl bul atanga Mamit khaw luhna laih zauh leh siamthatna tur hian SASCI atangin cheng nuai 900 ruahman fel a ni tawh a, Tender tih chhuah tawh niin hnathawktu tur thlan fel a ni tawh a, MPWD NH nen inremna ziah fel a ni tawh.
Hemi chungchanga Mamit Times zawhna chhangin Pu PC David Lalrinliana Sr. EE NH Division I chuan hnathawk tur hian Sumati Creative Infrastructure Pvt Ltd. Flat No 310, Ganeshalat Appartment, Jharudih, Bekar Bandth, Dhanbad, Jharkhand-826001 chu thlan an nih thu a sawi a, department nen inremna ziahfel a nih tawh thu a sawi.
He kawng laih zauh leh siamthat turin a paltlang mimal ram neitute hnenah zangnadawmna pek theih a ni dawn loh avangin inbiakrem phawt a ngai a, chu chu District thuneitu leh NGOs ten mawh lain an hmalakna ngaihchan mek a nih thu a sawi.
Hna tan hmaa tihfel ngai awmte tihfel ran a nih chuan, fur ruahtui hul atang chuan hna tan mai theih tura an inbuatsaih reng thu a sawi bawk.
0 Comments