Tun hnaia ruah bawhawk sur avang khan New Mamit Higher Secondary School Luangpawl ami chu a bul a min belh leh a, helai hmun hi nimin khan District Bawrhsap Pu K. Laltlawmlova hoin thuneituten an en.
Hemi chungchanga Mamit Times zawhna chhangin Pu K. Lalnunfela, District Education Officer/DPC Samagra chuan New Mamit Secondary School building chu zirlai leh zirtirtute tana him lo thei dinhmunah a ding tih a sawi a, helai hmun lei min hi kal zel thei a nih avang leh a venna siam turin tih ngaihna teh chiam a awm lo niin a lang a, he school awmna hmun hi hmun him zawka sawn mai a that a rin thu a sawi a, helam hawia ngaihtuahna hmanpui tur hian District thuneitute a ngen tih a sawi.
New Mamit Secondary School Headmaster Pu K. Lalthanpuia chuan tuna langsar taka kawngpui lama lei min bakah hian chhuah lamah, mi nawlpui hmuh theih loh lamah an school building hrul mai thlengin lei a min tawh tih a sawi a, an school building dinhmun hi thuneitute hnenah an thlen tawh tih a sawi bawk.
0 Comments