Mizoram Universal Health Care Scheme hman a nih atangin Mizoram pumah damlo mi 8251 inenkawlna senso Rs 9,24,66,141/- peksak an ni tawh.
Mizoram Health Care Society thuneitute chhianchhiah dan atanga tarlan a nih danin Mizoram pumah MUHCS tangin June Ni 3/2025 thleng khan damlo mi 8251 te inenkawlna senso Rs 9,24,66,141 pek chhuah a ni tawh a, heng zingah hian sawrkar hnathawk mi 548 telin anni inenkawlna bik hi Rs 1,19,00, 256/- a ni.
Mamit District chhung bikah MUHCS hmang thei mi 252 inenkawlna senso a vaiin Rs 12,14,665/- peksak an ni tawh a, a tam, berna Aizawl District ah mi 5163 inenkawlna senso Rs 5,40,21,747/- peksak an ni tawh.
Hetiang a nih lai mek hian, Mamit District Hospital bika damlop enkawl zingah MUHCS hmang thei lo tam tak an la awm chu Hospital thuneitute chuan pawi an tih thu an sawi a, he Scheme hnuai atanga tanpuina/inenkawlna senso hmu let thei tur/tumsak an nih theihna tura inziah luh ngaipawimawh turin mitin an ngen a ni.
0 Comments