Ni. 29.3.2025-a Mizoram Sawrkarin College Transfer and Posting lehkha no. A.22018/1/2023 - THE/Vol.I-a a tih chhuaha kan hmuh angin Govt. Mamit College-a Asst. Professor pathum (3) lai mai thlaktu awm lovin min sawnsak a. Tin nikum December Ni 13, 2024 khan thlaktu awm lovin Asst. Professor min sawn chhuah sak tawh bawk a ni. Hemi chungchangah hian MZP Headquarters Mamit chuan Higher & Technical Education Minister hnenah lehkha, Letter No. A-35/MMT/MZP/24-26 chu April ni 4, 2025 khan kan pe tawh a; chhânna kan dawn thuai kan beisei laiin tun thlenga chhânna emaw, heti lam hawia hma lakna emaw kan dawn loh avangin MZP Headquarters Mamit chu kan lung a awi lo hle a, a innamnûlthlak kan ti hle bawk.
Chuvangin ni 28.05.2025 (Nilaini) thlenga anmahni thlaktu tur Asst. Professor pathum (a bikin English, Mizo leh Education) tal min rawn pe lo a nih chuan Mamit khawpuia zirna in sang ber Govt. Mamit College hi tiam chin awm lova khar a nih theih nân MZP-in hma a la ang. Kan hma lâkin awmzia a nei lo zel a nih chuan a tul dan angin, kan hlawhtlin thlengin hma kan la chhunzawm dawn a ni tiin thuchhuah an siam.
0 Comments