Mamit District chhung leh Mamit khawpui chhunga inkalpawhna kawngpui thawm that hna tawh mek niin thenkhat hnathawk tura hmalakna kalpui mek a ni.
Mamit District chhungah inkawlpawhna kawngpui tluang pangngai lo, furpui thlen huna lirthei tana tlan huphurhawm tak tak tur a tam a, heng kengpuite hi thawm that hna thawk tura hmalakna kalpui mek a ni.
Hemi chungchanga Mamit Times zawhna chhangin Pu Lalnunhlua, SDO PWD Highway Division I chuan kan inkalpawhna kawngpui hrang hrangte thawm that tuma hmalak mek a nih thu a sawi. National Highway 44A/108 hnathawh zawh loh thawh zawhna tura Tender tih chhuah tawh, Ministry lam thu anga tih danglam ngai a awm vanga tender tih chhuah that leh chu vawiin ah Tender chhanna te hawn a ni ang. Tender hawn a nih hian MoRTH lamin an pawmpui ngai thil a la awm nual dawn a, heng zawng zawng hi tihfel a nih hnuah National Highway 44A/108 hnathawh zawh loh thawh zawhna turin hna hi thawh tan theih beisei a nih thu a sawi.
Mamit leh Bairabi inkar National Highway No 6 (Spur) a puan tak pawh kawngpui laih that a nih theihna turin hmalakna kalpui reng a ni a, tun dinhmunah CALA hmalakna Ministry lamah thawn mek a ni.
National Highway No 6 kawngpui laih hna thawh a nih hmaa he kawng siam/thawmna tur hian Short Term Maintenance Contract (STMC) hnuaiah sum hmuh a ni tawh tih sawiin Pu Hlutea SDO, PWD NH Division I chuan he hna hi NIDHI Creative Infrastructure Pvt. Ltd ten thawkin tunah hian Bairabi lam atanga an tawh tan mek thu a sawi.
National Highway 44A/108 peng atanga GSA Playground thleng SASCI sum hmanga siam hna pawh thawh mek niin laih zauh ngai lai zauh mek a ni.
Hetihlai hian, Mamit khawpui chhung kawngpui thawm that, tih zauh leh siam rual hna PWD ten an tawh pawh chak taka kalpui reng a ni a, tun dinhmunah Mamit Charkawn bawr vel khawih mekin theih ang anga kawngpui tihzauh a ni.
0 Comments