Gauhati High Court Judge Mrs. Justice Marli Vankung chuan vawiin Ni 5/2/2026 hian Mamit District Court a tlawh ang.
Kum 2025 January atanga vawiin Ni 5/2/2026 thlengin Mamit District Court hian thubuai ngaihtuah tur 233 a dawng tawh a, heng zinga a tam ber hi Excise & Narcotics Department atanga dawn niin 106 a tling.
Mamit District chhunga Police Station hrang hrang atanga thubuai ngaihtuah tur dawn zingah Mamit P/S atanga dawn tam berin 63 a ni a, a tlem ber Marpara P/S atangin 3 a awm bawk. Environment, Forest & Climate Change Department atangin thubuai ngaihtuah tur 9 an dawng bawk.
Mamit District Court - CJM-cum-Civil Judge (Sr. Div) leh JMFC-cum-Civil Judge (Jr. Div) te hian Criminal Care 387 chingfel tawhin ngaihtuah lai 120 a awm a, Civil Case 184 chinfel tawh niin ngaihtuah lai 77 a awm bawk. Heng thubuai ngaihtuahtu pahnih ten thubuai an chinfel tawh zawng zawng hi 571 a ni a, thubuai ngaihtuah mek 197 a awm bawk a ni.
0 Comments