Mamit District chhugah HIV vei hmuh chhuah thar mi 35 an awm a, heng zinga a tam ber hi mipat hmeichhiat hmanna atanga inkaichhawn a ni.
Khawvel puma AIDS do ni (World AIDS Day) 2025 Mamita hmanna a tarlan a nih danin, Kum 2025 April leh October inkar khan Mamit District chhungah HIV+ kai hmuh chhuah thar mi 35 an awm a, heng zinga a tam ber hi mipat hmeichhiatna hman atanga inkaichhawn a ni.
India rampumah Mizoram hi thisen test atanga tehin HIV kai tam ber 1-na kan ni a, mi 100 zelah 2.73 kai ang kan ni a ti a. Mamit District-ah hian ICTC -3 leh mobile ICTC -1 a awm a, TI pathum 3 (inchiu, hmeichhe awm tha duh lo leh mipat pui kawp thin te enkawlna) bakah LWS leh Migrant Project te a awm a ni.
Report atang a lan danin April 25 - October 25 HIV chhunga Mamit District dinhmun hetiang hi a ni.Thisen test Mipa -1513, Hmeichhia - 975 an vaiin-2488 ah Positive Mipa-17 leh Hmeichhia -7 hmuhchhuah an ni a, hetah hian Mipat hmeichhiatna atanga kai mi 13, Inchiuna thianghlimlo inhman tawm atanga inkaichhawn - 4 an ni. Nu naupai thisen test 483 awmin HIV Positive mi 11 hmuhchhuah an ni bawk.
0 Comments