Dampa biala bye-election lo awm tura vote an zawnna-ah Chief Minister Pu Lalduhoma leh adviser to CM (health) Dr. Lorrain Lalpekliana Chinzah te election model code of conduct (EMCC) bawhchhia a puhna chu vawiin hian Election Commission of India a thawn thlak hman rin a ni.
Thuakna tarlan danin Chief Minister leh adviser to CM te laka MNF-in EMCC bawhchhia a an puhna hi rorellai ZPM chuan a chhang tawh a. Mamit bawrhsap, district election officer (DEO) ni bawk leh Dampa bial bye-election a returning officer (RO) te'n an ngaihdan an thawh chu CEO lam hian an lo enfiah ve leh a. An hmuh dan hi election commission-ah an thawn thla ang a, commission hian thutlukna a siam dawn a ni. CM leh adviser to CM te EMCC bawhchhia a puhna hi MNF party aiawhin ukil Pi Zothansangi Hmar-in a thehlut a. Pu Lalduhoma chu October ni 21-a West Phaileng khua a ZPM candidate tana a campaign-na-ah Reiek khua leh a chhehvel khaw 14 chawm tur cheng vaibelchhe 770 ruahman a nih tur thu a puan chu inthlan dan bawhchhiatna a ni a ti a. Dr. Lorrain Lalpekliana'n October ni 17 khan Parvatui leh Phulpui West khua-ah a thlawna damlo inentirna hun huaihawtin damdawi pawh a thlawnin tam tham tak sem a ni a ti a. Hei pawh hi EMCC bawhchhiatna chiang tak a ni a ti.
Dampa bial khaw thenkhata a thlawna T-Shirt sema BJP puhna chu Mamit district DEO chuan EMCC bawhchhia a puhna thubuai a ziaklut bawk a. Hemi chungchang insawifiah tura BJP hruaitute a tihna chhan a nih hnu-ah la ngaihtuah zawm tur a ni ang.
He tih lai hian Aaam AadmiParty (AAP) Mizoram chuan PWD Minister Pu Vanlalhlana chu EMCC bawhchhia-ah an puh bawk a. Pu Vanlalhlana hian October ni 3 khan Phuldungsei khuaa a campaign-na-ah North East Special Infrastructure Development Scheme (NESIDS) hnuaiah Pukzing leh Silsury kawng, truck kal theihna a siam tura awm vek tawh chu ZPM candidate Pu Vanlalsailova a tling lo a nih chuan ngaihtuah nawn ngai leh tur anga a sawi nia an sawi chu mipui vaubehna leh EMCC bawhchhiatna chiang tak a ni, an ti a ni.
0 Comments