Nizan (Thawhṭan zan)a ruah tam tak sur vanga Mamit leh Aizawl inkar kawngpui NH 44A hmun engemawzata ping chu vawiin tlai dar 3:30 vel khan lirthei kal theiha sial tlang a ni.
Hetih lai hian, vawiin tlai vek khan Mamit lam aṭang Dampui bazar thlen hma lawkah lei tawlhin kawng a hnawh ping leh a, naktuk lama thenfai theih beisei a nih thu kawng enkawltute chuan an sawi.
Lei tawlhin kawng a hnawhna lai hel tur hian Dampui leh Mualpui inkar, Zongaw paltlang kawng hlui lam chu kal a harsat rin a nih thu Dampui aṭanga Mamit Times thudawnna chuan a sawi.
Hetianga khualzin tangkhang engemawzat awm hi a ṭul ang leh theih ang anga buaipui an inhuam thu Pu Lallawma, VCP Dampui chuan Mamit Times a hrilh a, a ṭul anga ruahmanna siam turin khawtlang hruaitute leh YMA hruaitute an ṭhukhawm nghal dawn tih a sawi bawk.
0 Comments