Tun hnaia ruah nasa taka sur avangin Mizoram hmun hrang hrangah chhiatna lian tham tak tak a thleng a, mihring thi leh hliam an awm nual. Hetihlai hian, Mamit khawpui chhung bikah erawh chhiatna rapthlak khawp thleng a awm lo thung.
Tun hnaia ruahsur nasa vanga chhiatna nasa tak a thlen mek laiin hriattheih chinah Mamit khapwui chhung bika chuan chiatna thleng avanga mihring nunna chan leh hliam tuar an awm lo nia hriat a ni a, District chhung hmun thenkhatah erawh leimin avanga chhiatna thlengin chenn In luah zui tlak loh engemawzat a awm.
Kar kalta kar tawp lam khan ELLPEE Power Sub- Station atanga eng pek chuahna hrui 33Kv line pakhat a chah vang leh LT line hrang hrangah chhiatna neuh neuh thleng a awm avangin Mamit khawpui chhung khaw per thenkhatah ni 2 leh zan khat eng pek chhuah theih a ni lo a, P&E thawktuten ruah leh thli karah ngawrh taka hna an thahw hnuin Inrinni zan atang khan pangngai takin eng hi pek chhuah leh theih a ni.
Khawpui chhung veng hrang hrangah leimin avanga chhiatna tenawu thleng a awm a, heng hmunte hi sawrkar thuneitute leh khawtlang hruaitute hmalaknain a venna hmasa - Silpaulin a khuh nghel vek an ni.
Mamit leh khaw dang inkalpawhna kawngpui hrang hrangah leimin vanga kawng ping a awm a, PWD Highway Division lam ten ngawrh taka hmala in tun dinhmunah kawng pingte hi thenfai zawh a ni tawh.
Tut lui lian chim chin a san avangin Phaizau khuaa thlai chingtute thlai chin engemawzat a chim chhia a, Teirei lui dungah pawh kuthnathawktute huan leh thlai, tuikhuah engemawzat a chhe bawk.
W. Phaileng Hallelui venga Pu Vanlallawma te chenn In chu Inrinni (31/5/2025) zing khan a chhak leimin vangin a chim a, mihring thi leh hliam an awm lo.Inrinni vek khan Damparengpui Zodin venga Pu F. Lalbiaksailova te chenna In bul a min avangin an inthiar chhuak a, Inrinni zan vek khan Rajivnagar- I bazar shed chu leiminin a tichhe bawk.
0 Comments