Mizoram Universal Healch Care Scheme (MUHCS) kalpui a nih a, hman theih a nih hnuah, Mamit District District Hospital a damlo enkawl zingah MUHCS hmang thei lo an la tam hle.
April Ni 1, 2025 atanga Mizoram Universal Health Care Scheme kalpui a nih atanga nimin Ni 3/6/2025 thleng khan, Mamit District Hospitala damlo enkawl zawng zawng atanga chhuta za zela 39 chuang zet chu he scheme hnuai atanga tanpuina/hamthatna hmang thei lo/inziak lut lo an la ni.
April Ni 1 2025 atanga nimin Ni 3/6/2025 thleng khan Mamit District Hospitalah dam lo, MUHCS hnuaia hamthatna dawng thei mi 191 enkawl an ni tawh a, heng zinga mi 176 hi damdawi In atanga chhuak tawhin mi 15 enkawlna pek mek an ni.
MUHCS hmang thei lo/inziak lut lo, Ni 1 April 2025 atanga nimin Ni 3/6/2025 thlenga Mamit District Hospitala enkawl tawh zat hi mi 123 niin heng zinga mi 117 hi damdawi In atangin an chhuak tawh a, mi paruk enkawl mek an ni.
Mamit District Hospitala damlo enkawl zawng zawng (wef 1/4/25) atanga chhutin za zela 60.83 ten MUHCS hnuaia hamthatna an hman theih laiin MUHCS a inziah luh loh vanga he scheme atanga tanpuina dawng thei lo hi za zela 39.17 an ni.
0 Comments