Pu H.Lalengmawia Commissioner & Secretary Govt of Mizoram chuan Ni 13/6/2025 (Zirtawpni) khan Mamit District Hospitala tlawh a, thawktute chu mipui tana nasa zawka inpekna nei tur leh lainatnaleh khawngaihna tela an hna thawk turin a fuih.
Pu H. Lalengmawia, Commissioer & Secretary, to the Govt. of Mizoram, H&FW Deptt. chuan Mamit District Hospitala thawktute hmaa thu a sawina-ah Hosiptala thawktute inthlahdah vang a damlo ten harsatna nasa zawk an tawrh theih thu a sawi a, hawihhawmna nena damlote enkawla an natna baka an rilru tidamtu leh thlamuantu ni tura tan la turina fuih.
Mamit District Hospital building thar, khum za awm theihna sak a nih chungchangah thu inchuh leh inhnialna awma a hriat thu sawiin Pu H. Lalengmawia chuan he building sakna tura sum hlawm lian hmuh theihna kawngah hian, a hunlai khan Politician tumah an inrawlh lo tih sawiin H&FW leh P&E a chan kawp lai remchanga hmanga Power Finance Corporation of India Ltd. Corporate Social responsibility (CRS) an dil chhuah a nih thu a sawi.
He Hospital building sakna tana sum mamawh hi cheng vaibelchhe 17 a ni a, Power Finance Coporation of India Ltd. CSR atangin cheng vaibelchhe 13 min pe a, vaibelchhe li mamawh belh chu Finance atanga an hmuh a nih thu sawiin, “he building sakna tura sum hnuh chhuah kawngah hian tu dang mah an inrawlh te eih lo, chu chu sawi leh chhawn ngam a ni” a ti.
“He thilah hian midang inrawlh an awm lo, a hun laiin Minister pawh a inrawlh lo” tiin Pu Engmawia chuan a sawi.
0 Comments