BJP Mamit District chuan nimin Dt. 18.6.2025 chhun dar 12 khan MJA Press Club Mamit ah, thuthar thehdarhtute hmaah Prime Minister Narendra Modi kaihhruai BJP sawrkar kum 11-na pualin, sawrkar laipui hmalakna hrang hrang an sawi. BJP Mamit District hruaitute hi an President Pu J. Lalrimawia'n a ho a ni.
Kum 11 chhunga sawrkar laipui hmalakna langsar zual tarlang in, Mizoram pawhin kan hman tangkai zual tarlangin, a thlawna damlo inenkawlna, golden card hmangtu India ram pumah mi vbc 36 an awm a, heng zingah hian mi 5.71 hi Mizoram atanga hmangtute kan ni an ti. Heng bakah hian Housing for all hnuaiah Mizoramah chenna In neilo mi 24243 te chenna In sak sak tawh te, thingtlang khaq hrang hranga inthiarna siam te, AAY leh PHH te tana ration buhfai a thlawn a sem, chhungtin hnena tui connection pek bakah PM Kissan hnuaiah Mizoaram a kuthnathawktu mi nuai khat hnena tanpuina pek a nih tawh thu leh Bairabi - Sairang rail kawng siam te a ni.
BJP Mamit District hruaitute chuan Zomuantlamg khua mi harsa chhungkaw 47 leh pianphunga rualbanlo te PHH leh NFS ah dah an ni, an ti a. Heii hi ti danglam turin Pu B. Lalchhanzova Supply Minster an ngen nghal tih an sawi a. Heng mite hi dan ah AAY leh BPL a awm tur chin an ni a, tuna ration card an tih tharah hian Party feeling takin an kalpui ni a an hriat thu thuthar thehdarhtute an hrilh bawk.
National Highway No 6 in Mamit a paltlang lo tur chu pawi an tih thu leh tha lo an tih thu sawiin BJP Mamit District hruaitute chuan, tunah hian tihdanglam theih a la ni a, hei hi Central ah Nitin Gatkari, Ministry of Road & Transport changtu Minister hnenah tidanglam tura thlen an tum thu an sawi.
0 Comments