Kum 2023 a Mamit High School veng naupang (Vobik) Lalremrtuata (11) rawng taka thattua puh R. Lalrinchhana S/o Remlalnghaka Mamit High School veng chuan Ni 17/5/2025 (Inrinni khan Mamit a chhuahsan lehnghal.
Lalremruata (11) S/o Lalvulmawii Mamit High School veng hi Ni 17/8/2023 khan a awmna chin hriat lohin a bo a, khawtlangin ngawrh taka zawn a nih hnuah Ni 23/8/2023 ah Mamit khaw bul lawk, Mausen kawng, kawngpui kamah a ruang hmuh a ni a, rawng taka kut a tuar hnua thi ni ngeia hriat a nih avangin pawi khawihtu a rinhlelh R. Lalrinchhana Mamit High School veng chu man a ni a, Central Jail Aizawl lamah dah nghal a ni.
Ni 29/8/2023 ah Chhimveng VC leh All NGOs huaihawtin naupang pawi sawi lo, rawng taka thah a nih duh loh lantirnan kawngzawh a ni a, he kawngzawha tel mipui tam tak hian thutlukna an siam a, chungte chu :
1. Vohbik Lalremruata rawng tak a thattu R Lalrinchhana s/o R Remlalnghaka hian a dam chhungin Chhimveng huam chhung hi a rawn rap tawh tur a ni lo.
2. R Lalrinchhana'n a tualthah chhan a sawiah kan lungawi tawk lo hle a, hei aiin a thah chhan hi chiang zawk a hriat a nih theih nan thuneitu ten chhuichhuak rawh se.
3. Tualthattu hi a na thei ang ber a hrem ni rawh se.
4. Tualthattu hian thurualpui a neih ngei kan ring a, thuneituten arang thei ang berin chhuichhuak rawh se tihte a ni.
He tihlai hian, Ni 14/5/2025 (Nilaini) khan R. Lalrinchhana hi Mamitah lo hawin Chhimvengah a khawsa zui lehnghal a, Ni 17/5/2025 (Inrinni) a Chhimveng VC leh All NGOs thukhawm chuan mipui duh dan leh thutlukna an lo siam tawh bawhzuiin R. Lalrinchhana chu hemi ni la laa Chhimveng chhuahsan nghal turin an hriattir a, hemi ni hian Chhimveng a chhahsan lehnghal nia an hriat thu kan thudawnna chuan a sawi.
Chhimveng VC leh NGOs chuan R. Lalrinchhana hian chhimveng a rawn rap leh a nih a, amah leh a chhungte chungah thil duhawmlo a thleng a nih pawhin anmahni cho chhuah ah an ngai ang tiin Ni 17/5/2023 khan thuchhuah an siam zui bawk.
0 Comments