MBSE in HSLC Exam result a tihchhuah takah Mamit District chhung atangin zirlai exam beitu 845 atangin 535 in an pass a, pass percentage hi 63.31 a ni.
District Education Mamit huam chhungah Govt. High School 15 atangin zirlai 305 in exam an hmachhawn a, 178 an pass a za zela 58.36 in an pass. Secondary School 14 atangin zirlai 139 in exam hmachhawnin 82 an pass a, za zela 58.99 a ni. GIA school 10 atangin zirlai 120 in exam an hmachhawn a mi 59 pass in za zela 49.17 in an pass. Lumpsum school 2 atangin zirlai 27 an exam a, 23 pass in za zela 85.19 a ni. Private School 9 atangin zirlai 250 an exam a, 191 in pass in za zela 76.40 a ni. Heng bakah hian privatea exam hmachhawn mi pali awm in pahnih an pass a, za zela 50 in an pass a ni.
Nimina MBSE in HSLC exam result a tihchhuah hian DEO Mamit hnuaia candidate nei school zingah pass awm miah lohna school a awm lo a, exam beitu zawng zawng pass vek awmna school panga awmin chungte chu :-
1. Govt. Phuldungsei H/S, Candidate 14
2. Govt. Rawpuichhip H/S, Candidate 17
3. Pukzing Secondary School, Candidate 4
4. Silsury Secondary School, Candidate - 8
5. Synod Home Mission School Damparengpui, Candidate 17
0 Comments