NH 44A SIAM HNA CHHUNZAWM THEI RIH LO NH NO 6 IN RAM A TICHHIATTUR CHINFEL HNA THAWH MEK A NI

 NH 44A SIAM HNA CHHUNZAWM THEI RIH LO
NH NO 6 IN RAM A TICHHIATTUR CHINFEL HNA THAWH MEK A NI

National Highway No 44A hnathawh zawh loha hna kallai tih tawp tak chhunzawmna tura ruahmanna awm chu Ministry of Road Transport & Highway lamin sum an la pek chhuah loh vangin chhunzawm theih a la ni lo.

Mizoram State Assembly Budget Session neih mekah, Mamit bialtu MLa Pu H. Lalzirliana zawhna chhangin PWD changtu Minister Pu Vanlalhlana chuan NH 44A hna thawh zawh loh chhunzawmna tura sum ruahman cheng vaibelchhe 199 chu MoRTH lamin an la pek chhuah loh vanga hna chhunzawm theih a nih rih loh thu a sawi a, sum ruahman hi March 2025 ah chuan MoRTH hian an pek chhuah theih an beisei thu leh sum hmuh a nih hunah hna tan mai tum a nih thu House a hrilh.
 

NH No 6 Bairabi - Mamit hmalakna kal mek thlen chin Mamit bialtu MLA-in a zawhna chu PWD Minsiter chuan he lai kawng laih turin a tihchhiah tur/ram lak tur chhin chhiah fel (Land Aquisition) hna thawh mek a nih thuin a chhang bawk.