Mamit District Jail a tang lai (Convict) mipa pahnih chu nimin Ni 27/3/2025 khan Mamit District Jail atangin an tlan chhuak a, an zinga pakhat zawk chu nizan dar 1:30 vel khan man leh a ni.
Mamit District Jail a tang lai (Convict) mipa pahnih chu nimin Ni 27/3/2025 khan Mamit District Jail atangin an tlan chhuak a, an zinga pakhat zawk chu nizan dar 1:30 vel khan man leh a ni.
Mamit District Jail a tang lai mi pahnih - Alex R. Vanlalhruaia (30) S/o R. Tlanglawma Chhinga veng Aizawl, In rawk vanga kum 2023 a man, kum hnih leh tha hnih chhung tang tura convict leh Malsawmlawmpuia (25) S/o Hmingthansanga, Bazarveng Mamit, rukruk avanga kum 2024a man, thla ruk chhung tang tura convict te chu nimin Ni 27/3/2025 (Ningani) tlai lam dar 3 vel khan an tlan chhuak a, Prison department thawktute leh Mamit Poice ten zawn hna ngawrh taka an thawh mek laiin nizan zan dar 1:30 vel khan Malsawmlawmpuia zawk hi Mamit khaw chhungah man leh a ni a, Police Custody ah dah nghal niin vawiinah Courtah hruai a ni ang.
Heng mi pahnih, Mamit District Jail atanga tlan chhuakte hian Jail Complex chhunga bike pakhat Phoenix (TVS) Registration No MZ 08-3070 (rawng sen) chu an ru chhuak bawk a, nizana man tak Malsawmlawmpuia thu zawhfiahna atangin an bike rukchhuah an dahna hi hriat a ni a, Mamit Venghlun thlanmual thlang, field kawnga an dah chu nizan vek khan lak nghal a ni. Mamit Police Station atanga thudawnna-in a sawi danin, Malsawmlawmpuia hi man a nih hma hian thian dang neiin Mamit PWD vengah mi In an rawk leh hman tih hriat a ni.
Hetihlai hian, nimina Mamit District Jail atanga tlan chhuak zinga pakhat zawk Alex R. Vanlalhruaia chu he thu buatsaih lai thleng hian man leh a la ni lo a, zawn hna hi ngawrh taka thawh mek a ni.
0 Comments