PUMP LINE CHHIA SIAM ZO, TUI SEM NGHAL DAWN

Mamit khawpui tui lakna pump line (pipe) puak avanga tui pump theih a nih loh hnuin, tun dinhmunah tui pump chhuah mek a ni a, tui sem chhunzawm nghal tum a ni.

Mamit PHED te tui pump line chhia hi tukin zing atang khan siam hna thawh a ni a, vawiin chhun dar 12 vel khan zawhfel a ni. Pipe Line chhia siamthat a hnih hnuah tui pump nghal a ni a, tui pump chhuah sa ang angte mipui hnenah semchhuah nghal tum a nih thu Pu Malcolm Lalhmingliana Sailo PHED Mamit chuan a sawi.

Tun dinhmunah pipe line lamah harsatna a awm rih lo nia hriat a ni a, tui hi pump tluan theih a nih chuan pangngai taka tuisem chhunzawm theih beisei a nih thu SDO chuan a sawi bawk.