Nimin khan DC Conference Hall, Mamit-ah District Level Nasha Mukt Bharat Abhiyan (NMBA) committee chu Pu Suvigya S Chandra, District Bawrhsap leh Chairman District level NMBA committee hoin an thukhawm.
He thutkhawmah hian kum 2026 - 2027 chhunga Mamit district-a NMBA hmalak tumna leh budget - Annual Budget Action Plan for FY 2026 -2027 chu sawiho a ni. Kum 2026- 2027 atan hian budget hi Rs 25,00,000 niin ruihhlo do kawngah nasa taka hmalak tum a ni a, line department te leh tlawmngai pawl hruaitute nen thawhhona uar zawka kalpui tum a ni.
Awareness campaign zirna in hrang hrangah kalpui tum niin drug hluarna hmun (hotspots) hriat(identify) tum a ni. Committee chuan district puma hnathawh chu review meeting neiha ngun taka enpui an tumin de-addiction centre Mamit-a awm thuai theih nan hmalak a tul a ni a ti.
thutkhawmah hian line department bakah tlawmngai pawl hruaitute a tel a ni.
0 Comments