Mizoram mamawh hrang hrang thlena New Delhia kal Pu Lalduhoma, Chief Minister chuan MoRTH changtu Pu Nitin Gadkari hmuin Mamit District chhunga kawngpui pawimawh hnathawh thuai theihna turin ngenna a thlen.
New Delhia cham mek Pu Lalduhoma, Chief Minister chuan nizan hmasa khan Union Minister of Road Transport & Highways Pu Nitin Gadkari a kawm a, mamawh a thlen zingah Mamit to Bairabi NH-06 Spur chu strengthening ti turin Chief Minister hian a ngen a. Union Minister hian sanction nghal a nih tur thu a lo hrilh. A senso tur awm ang pawh an sawi dun nghal a ni.
Hei bakah hian NH-108/NH-44A kawnga Teirei Bridge leh Langkaih Bridge chu Tripura nena inkalpawhna pawimawh a nih avangin lei tha mamawhna a sang hle a. A thawhna tur sum sanction thuai a tul thu a thlen a. Union Minister hian DPR te siam that a (modified) submit ran ni se, MoRTH duh dan ang a nih chuan sanction thuai a ni ang, tiin Chief Minister hi a hrilh a ni tiin sawrkar thuchhuah chuan a tarlang.
0 Comments