Inrinni chawhnu khan Mamit District Level Committee on Fire Prevention chu thutkhawm a ni.
Inrinni chawhnu khan Mamit District Level Committee on Fire Prevention chu thutkhawm a ni.
Thutkhawmah hian Fire Prevention Week, 2026 District chhunga hman dan tur leh kumin thal chhungin Mamit District-ah kangmei a chhuah lohna tura hmalak dan tur hrang hrangte rel a ni a. Mamit District khaw tinah information centre leh tlangau hmangin kangmei laka fimkhur tura mipuite hriattirna a zing thei ang bera puang thin tura ngenna siam nise tih a ni a. Lo, Huan leh Leipui nei te March ni 15 hmain hal vek tur leh an hal hmain tha taka meilam sial vek turin hriattirna pek nise tih a ni bawk.
Thurel zingah kangmei ven kawnga hna thawk tha khua thlanchhuahte hnenah lawmman pek nise tih te an rel tel a ni.
Kumin 2026 Fire Prevention Week thupui atan hian 'Nungchate chenna leh tui thianghlim min petu ramngaw kangmei lakah venghim rawh" tih chu hman a ni dawn a. Fire Prevention Week hawnna hi Ni 9th February, 2026 (Thawhtanni) chawhnu dar 2ah Chhim Veng YMA Hall-ah nei tura ruahmanna siam nghal a ni bawk.
0 Comments