February ni 11 - 12, 2026 khan Mizoram State Project Monitoring Committee Inspecting Team chuan Er. Lalthanzuala Ralte, Secretary MSPMC hovin Mamit District chhunga hmasawnna hnathawh thenkhatte an endik.
MSPMC Inspecting Team-te hian heng hnathawh kal mekte hi a hmunah chik leh uluk takin an endik a. Hnathawh kal lai ti bahlah thei harsatna hrang hrangte sut kian dan tur rawtnate sawi ho a ni bawk. MSPMC Inspecting Team-te bakah Executing Department hotute, contractor-te leh a project awmna area Village Council leh NGO hruaitute nen heng hnathawh kal mek hi a rang thei ang bera zawh a nih a, quality tha taka zawh a nih ngei theih dan tur hrang hrangte sawi hona Pre-visit & Post-visit discussion hun hman a ni a. Heng hmasawnna hnathawh thenkhat phei chu Contractor-te hnathawh tha tawk lo leh muangchan avanga tih khawtlaite pawh a awm a. Chung chu Sawrkar leh mipui duh dan ang ngeia thawh zawh thuai a nih ngei theih nan chak leh zuala kalpui dan tur hrang hrangte contractor-te hi hrilh an ni.
MSPMC Inpecting Team-te hnathawh endik hrang hrangte chu -
1. Improvement of approach road, NH-44 A junction to GSA playground at Mamit.
2. Construction of double Lane BUSG Bridge over R. Langkaih on Mizoram- Tripura border at Kanhmun (Hna thawh tawh - 90%)
3. Upgradation & Maintennance of Bairabi - Zamuang Road
4. Construction of double Lane BUSG Bridge over R. Teirei on Bairabi - Zamuang Road (Hna thawh tawh - 99%)
Secrertary, MSPMC hi MSPMC Member - Prof. Chawngsailova, Er. Sanghrima Chongthu te bakah Pu Vannunmawia, PS to Vice Chairman, Pi Vanchhungi (Task Force) ten an tawiawm a ni.
0 Comments