Ni 6/2/2026 Zirtawpni khan Bungthuam Community Hall-ah Sawrkarin Bungthuam khua JJM hnuai atanga tui hnianghnar a pek avanga lawmna ni leh WATSAN Committee kuta hlanna hun 'Jal Arpan Diwas' hman a ni a. Er. H. Lalsiamliana, Superintending Engineer, Rural WATSAN Circle, PHED chuan Khuallian niin a hmanpui.
Er. H. Lalsiamliana chuan Sawrkarin Bungthuam khaw tana tui hnianghnar pek an nih avanga a lawmpui thu a sawi a. Village WATSAN Committee te inpekna leh an thawhrimna te chu fakawm a tih thu a sawi bawk. A chhawrtu mipuite pawhin khawl thilte, tui lakna hmanrua te chu mahni ta anga en a, dimdawi taka enkawl turin a chah bawk a ni. Tui chungchang Thutiam (Water Pledge) pawh chham liam mai tu nilo a, a taka nunpuitu ni turin kalkhawmte a chah bawk.
Khuallian hian tui lakna document pawimawh hrang hrang leh test report hrang hrangte khawtlâng hruaitute hnenah a hlan a. Village WATSAN Committee kutah tui lak enkawlna hna a hlan a ni.
He hun hmanna hi Er. Helen Saibuangi, Sr. Executive Engineer, PHED in a kaihruai a. Er. H. Vanlalmawia, SDO, PHED in Technical Report a pek bakah mipuite thutiam tirna hun a hmang bawk.
0 Comments