Mamit Excise & Narcotics Department chhinchhiah danin Mamit District huamchhungah nikum 2025 chhung khan Ruihhlo thubuai 323 ziahluh niin, ruihhlo kaihhnawihah mi 221 man an ni.
Nimina Mamit Excise & Narcotics department te’n kumin 2026 pisa kal tan ni a Pathian hnena inhlanna leh nikum chhunga an hmalakna tarlanna hun an neih ah he thu hi tichhuakin, kum kalta 2025 chhung khan Rakzu litre 2048.375, zubilh lai Tin 4926, Heroin gram 49.8, Ganza gram 3024, zu thlawrna bel 107 leh ruihtheih thil kawihhnawih lirthei 7 an man bawk a, he huna thusawitu Mamit Excise & Narcotics Department Asst Commissioner Pu Lalsangzuala Ralte chuan Mamit District chhunga tlawmngai pawlte leh Kohhran hrang hrang te nen thawhhona tha tak an neih avangin lawmthu a sawi a, Mamit District khaw hrang hrangah Drugs Awareness Campaign an neih thin thu leh Tripura State chhunga Zampui tlangdungah pawh Drugs Awareness Campaign an neih tawh bakah Drugs awareness kaltlang hian ruihhlo la ti lo thalai/tleirawl mi 416 te hnenah ruihhlo ti lo tura intiamna an neih pui thu a sawi bawk.
Mamit Excise & Narcotics department te chuan nikum 2025 a ruihhlo kaihhnawih thubuai an ziahluh leh hemi kaihhnawih a mi an man tam ber te chu kum dang ang bawkin Zu kaihhnawih (MLP Act 2019) a nih thu an sawi bawk.
0 Comments