Ministry of Home Affairs, Govt. of India hmalaknaa India ram a Civil Defence Mock Drill, nizan dar 8:30 - 8:35 chhunga Mamit khawpuia neih chu mipuiin an zawm tha hle a, blackout drill neih chhung hian Mamit khawpui chu a thim vek a ni.
Indona nasa zawk a thlen thulha vansang lam atanga beihna awm thei laka mipui himna tura tihtur tih chhinna nizan dar 8:30 - 8:35 inkara Mamit khawpui chhunga neih chuan zawm a hlawh tha hle a, he blackout drill neih chhung hian P&E atanga kawlphetha tihtawp a ni lo chungin Mamit khawpui chhung chu a thim vek a ni.
Nizan dar 8:30 atang khan Mamit khawpui chhung veng tina au rinna hmun atangin ralkhel dar tih rik a ni a, hemi rual hian mipuiin eng zawng zawng tithimin dar 8:35 thlenga ralkhel dar a tawp thlengin Mamit khawpui hi a thim a, mipuiin an zawm tha hle a ni.
0 Comments