Mamit Chhimveng Village Council ten thuchhuah siama hriattirna an lo tih chhuah tawh bawhzuiin nizan (Pathianni zan) dar 10 hnu lam khan an huam chhung kawngpui dungah, zan riaka lirthei dah hnawk a awm leh awm loh an enfiah a, VC thupek zawm loa kawngpui dunga lirthei dah hnawk engemaw zat hmuh a ni.
Mamit Chhimveng Village Council chuan Ni 8/4/2025a an sitting thuchhuak angin an huam chhung kawngpui dungah, vantlang tana hnawksak leh kawngpui tichep zawnga lirthei zan riah thinte chu an lirthei senghawi vek turin an lo hriattir tawh a, April 2025 thleng hun an pe a ni. He thupek bawhzui hian nizan (Ni 11/5/2025 Pathianni zan) dar 10 atang khan an huam chhunga kawngpui dungte an enfiah a, lirthei dah hnawk engemawzat hmuh niin a neitute hnenah an lirthei senghawi vek turin hriattir nghal a ni.
Kanwgpui dunga lirthei dah hnawk an awm leh awm loh hi Mamit Chhimveng VC chuan a endik fo dawn a, mipui vantlang himna tura VC te thupek leh ruahmanna siamte zawm duh lo lui an awm a nih chuan pawisa chawitir thin an ni tawh dawn tih kan thudawnna chuan a sawi.
Kan thudawnna in a sawi danin, Chhimveng VC huam chhunga mikhual thleng, lirthei dahna tur nei lo, kawngpui sira dah nghaite chuan Village Council hruaitute hnenah phalna an lak zel a ngai dawn a ni.
0 Comments