AMRUT 2.0 SUM HMANGA HNATHAWH ZAWH FEL A NI

 

PHED Mamit ten Phaizau atang tui an lakna pipe line chhe zual lai thlak hna, AMRUT 2.0 sum hmanga thawh chu zawhfel a ni ta tih Pi Helen Saibuangi, Sr. EE PHED Mamit WATSAN Division chuan a sawi.

Tui lakna hman mek, pipe line chhe zual lai (Pump house atanga 2Kms huam chhung) thlak hna hi AMRUT 2.0 atanga sum hmuh Rs 3.11Cr hmanga thawh a ni a, ngawrh taka hnathawh niin tukin (2/4/2025) zing  dar 5:30 khan Mamit khaw chhungah tui hi pump thlen a ni ta a ni.
AMRUT 2.0 atanga hnathawh zawhfel a nih a, pump line hman nghal theih a nih tak avang hian tuisem chhuah kawngah mipui harsatna zualpui a ziaawm tura ngaih a ni.
Hetihlai hian, Augmentation of Greater Mamit Water Supply Scheme Part-II (Clear Water) hna ina ken tel hrang hrang ngawrh taka thawh mek a ni bawk a, Tut tui, tui chhek khawlna pui ber (Main Reservoir) a lakluhna tur pipe leh tui dah khawlna tur hmun danga lakna tur pipe phum hna an thawk mek bawk.

 

 Tarlan tawh angin, PHED Mamit WATSAN Division chuan April 2025 chhunga Tut Tui pump chhuak hman ngei turin tan an la mek a ni.