CHENG NUAI 70 ZET SEN TAWHNA BAWLHHLAWH SAWNGBAWLNA TUR MJA MAMIT DISTRICT TEN AN TLAWH

 Kum 2019 atanga bul tan tawh, UD&PA Department ten Mamit khawpui bawlhhlawh thehthangna/sawngbawlna tur hmun a siam, Mamit tlak lam, Vaiza ram (Hmawngkawn bul) ami chu hna tam tak hmabak awm chungin chawlh san a ni a, hna chhunzawm tura ruahmanna kalpui mek a ni.

UD&PA Department ten Mamit khawpui bawlhhlawh thehthangna/sawngbawlna tura a ruahman (Solid Waste Management) Vaiza ram (Hmawngkawn bul) ami chu nimin khan Mamit District MJA member ten a hmunah kalin an tlawh a, hmalak tawhna leh hmachhawp hrang hrang awmte an zir chiang a ni.
Vaiza rama UD&PA in bawlhhlawh sawngbawlna tur a siam hi kum 2019 atanga bul tan a ni a, Pi R. Lalhmangaihzuali, District Urban Devlopment Officer, (DUDO) Mamitin chanchinbumite zawhna chhanga a sawi danin, a bul tan nan hian mimal ram pek (donate) ah NEDP sum Rs nuai sawm sengin hna tan a ni a, he sum hmang hian  Resource Centre building leh Vermi Compose Centre building cheng nuai nga ve ve senga sak a ni.

Vaiza rama UD&PA in bawlhhlawh sawngbawlna tur a siam hi kum 2019 atanga bul tan a ni a, Pi R. Lalhmangaihzuali, District Urban Devlopment Officer, (DUDO) Mamitin chanchinbumite zawhna chhanga a sawi danin, a bul tan nan hian mimal ram pek (donate) ah NEDP sum Rs nuai sawm sengin hna tan a ni a, he sum hmang hian  Resource Centre building leh Vermi Compose Centre building cheng nuai nga ve ve senga sak a ni.
 

Hemi hnu kum 2020-2021 ah Special Central Assistance sum cheng nuai sawmruk hmangin hna chhunzawm a ni a, he sum hmang hian a hmun lei belh niin Site Office building, a hungna (fencing), Water Tank siam, a kawng cement chhun leh a hmun laihzawl (Ground leveling) hna thawh a ni a, heng hna zawng zawng hi Ni 26/5/2021 thawh tan niin Ni 10/6/2021ah he sum hmanga hnathawh tur ruahman hi thawh zawh anga ngaih a ni.
 

Heti ringawt hian he bawlhhlawh sawngbawlna tur hi hman tangkai theih a la ni mai lo a, hmanrua dah belh ngai leh a hmun hma siamrem hna thawhtur tam tak ala awm laiin hnathawh hi chawlhsan lailawk a ni.
 

Bawlhhlawh sawngbawlna tur hmun siam hna thawhna tur hian tunah ruahmanna kalpui leh mek a nih thu Pi R. Lalhmangaihzuali, DUDO chuan a sawi a, DPR Rs 2Cr ruahman pawh pawm fel niin December 2024 khan Tender tihchhuah a nih tawh thu a sawi. Hetihlai hian, he sum hman tur hi khawi atanga hmuh nge a nih tih leh DPR hian eng hna nge a ken tel dawn tih chu  District lam hian an la hriat loh thu DUDO chuan a sawi bawk.

 MJA Mamit District memberte hi Pi R. Lalhmangaihzuali DUDO leh UD&PA department JE ten an lo dawngsawng a ni.