Vawiinah inkhel dawn
Mizoram Football Association buatsaih Inter-District Senior Women Championship 2024 ni 7 May 2024 atanga Serchhip a khelh tan tur atan Mamit District Football Association Women team chuan nizan khan tluang takin Serchhip an thleng.
Mamit District team hi Group ‘C’ ah awm in, vawiin ni 7 (Tuesday) chhun dar 1 ah a thlengtu Serchhip District nen an inkhel dawn a, naktuk ni 8 (Wednesday) dar 2 PM ah Siaha team nen an inkhel le hang. Group khat a point hmusang pahnih in quarter final an lut ang.
Mamit District Team hi hun reitak chhung Mamitah training nei in hun an hmang tawh a ni. Tin, Mamit District team Jersey hi Pu C. Lalrinsanga, CL Filling Station neitu in a Sponsor a ni a, Mawza hi Pu H. Rodingluaia, Chairman Joint V/C in a sponsor bawk a ni. Mamit District Football Association chuan mi in phalte chungah thinlung takin lawmthu an sawi a ni.
0 Comments